Колхозная галерея

Быйыл Аан дойдутаа5ы түмэллэр күннэрин көрсө 36 үлэнэн Үөһээ Бүлүүтээҕи устуоруйа уонна этнография түмэлигэр "Колхозная галерея" диэн дириҥ устуоруйалаах быыстапка турбута. Ол курдук 60 сыл аннараа өттүгэр ыам ыйын 1 күнүгэр"Кыым" хаһыат 3 стр-гар маннык биллэрии тахсыбыт: "Бу күн Бүлүү оройуонунааҕы Исидор Барахов аатынан колхозка 200-тэн тахса картиналаах галерея аһылынна" диэн. Маҥнайгы колхознай галерея Сунтаар оройуонугар Тойбохойго, Сталин аатынан колхозка арыллыбыта. Сталин аатынан колхозка Наум Зосимов, Михаил Лукин курдук саха биллиилээх худуоһунньуктара сүүсчэкэ үлэлэрин биэрбиттэр. Иккис колхознай галерея Чурапчы оройуонугар Эрилик Эристиин аатынан колхозка тэриллибитэ. Галереяҕа биэс уонтан тахса автор кыттыбыт. Үһүс маннык хартыына галереята Амма оройуонун Строд аатынан колхозка турбута. Төрдүс колхознай хартыына галереята 1964 сыллаахха муус устар ыйга Үөһээ Бүлүүгэ, Исиидэр Бараахап аатынан колхозка бэрэссэдээтэлинэн Николай Егорович Васильев үлэлиир кэмигэр аһыллыбыта. Ил тумэн бэрэссэдээтэлин 1-кы солбуйааччыта А.Н. Жирков биһигиттэн хартыына ахсаанын опиһын ылан, бырабыытылыстыбаннай өйөбүлгэ тутар туһунан кэпсэттэ. Өссө да элбэх информацияны түмэл саалатыгар хараххытынан кэлэн көрөн, итэ5эйэн үөрэтэн бараргытыгар ыҥырабыт. Билиҥҥи кэмҥэ түмэл фондатыгар 24 хартыына хараллан, 36 портрет улуустаа5ы киин библиотека архивыгар хараллан турар.

Дополнительные фотографии:  Загрузить / Загрузить / Загрузить / Загрузить